زهيريات جميلة جدا جدا جدا جدا

الدنيا بعيون الحزن بجفاك شافتنا
وجروح بينا اتركت ما يوم شافتنا
يا دنيا راح الوليف الجان شوفتنا
ابعد علينا وترك وسط الگلب عنا
وما مره خط الجدم لديارنا وعنا
حيرني امرو الگبل ما يوم صد عنا
صد ونسانا وبعد ميريد شوفتنا

گلبي خرابه ولا مره الوكت راحو
أصلف عليه ولا ينطي فرح راحو
تطحل رحاتو نشامى وما تعث راحو
وحزن اليالي مع العبرات اعيوني
وهو العليه ابد ما منه عيوني
بله فاگد غوالي ودمعتي بطارف عيوني
واشبح بلوجوه مامش زولهم راحو

مل مني يا حسرتي الماجنت اظنه يمل
والله زمان ووكت عن دربي صاير يمل
يامن لعد مهجتي بنار التجافي يمل
وجروح خلف الي محد حصاهن بعد
جنت اعتني لشوفتك مهما طريقك بعد
يالكمت عني بزعل بالك تردلي بعد
كلت كلام وخلص الباب يوسع يمل

مكيف واصيحن أحب سمعت كلمن سرة
من طاح حظه العشگ بس حزن مابي سرة
مشكلتي هذا الحلو بدمة الغدر بس سرة
خانات صار الگلب للفرح مابي خان
بيا معشب الگه الدوة بيا محل وبيا خان
غاب ولگاني وفي غبت ولگيته خان
ومن شفته مو بس شخص خلانه صاروا سرة

الدنيه عميه ولاينفع جدايه الهه
تهف النشامه اسف وتعز جدايه الهه
سدت ابواب الفرح مامن جدايه الهه
وباگت خياك أســف والميم تنعه العين
والبيض يوم انجبن منجبن مثلك عين
مالومهه شما بجت حگهه عليك العين
وكل حره حگهه عليك تگص جذايلهه

تلفت دربك كثر ماروح بيه وارد
وانت بصدودك وأبد ماحن دليلك ورد
رسمك بالي ولا رسمي بالك ورد
يازيك صد وكبر الله الجبير العلي
ولصير يصغر تره شماصار بسماه وعلي
انت شنهو الي بيك حلو وكبرانه نفسك علي
بس زجهك انت گمر ولطول غصن الورد

الچان سيفي گبل وعن المراجل يسد
ذيب الليالي ضحك عند الشهاده وسد
باب التخاذل عند وجه الأعادي وسد
هيبه وكريم النفس عامود بيتي وركن
غالي بغلات النفس ماخذ بگلبي ركن
خالي الشهيد البطل ذاك بهجت الركن
شامخ شموخ النخل حتى بمماتو اسد

مامل عن كتب الشعر للرجال مامل
فرسان الشهادة عن كولهم مامل
الوكت اخ الوكت وي العدو مامال
يمشي معاهم بطرق مسدودة
وعبوات النشامة بأذن الله مسددة
ياربي ندعيك منزل القرأن ومسدده
نسئلك الشهادة لا دنيا ولا مال

يومن ترك مايمر ريم الحمادة العين
حيلي ترادة وردت من ربي بس يعين
حاير طبيب الهند لمن علي عاين
ولسانة جنة ثكل وبعينة بس يومي
دكتور لاتحترف كلي كرب يومي
ان جان تالي النفس بلغلي بس امي
تشوفني طيف الترف كبلن تغمض العين

عباس راعي العلم وبكل شرف حامله
وحسين امانة نبي عنده ونزل حامله
والماي طب وغرف وكلبه صدك حامله
ذبه وابد ماشرب من الخوه شايل نهر
منها شرب وارتوى والنفس الها نهر
والغاضرية اظلمت ماجنه ذاك نهر
بدر الهواشم وكع حسين الركض حامله

ياصاح اني اخوك لو جار الدهر صاحبك
سكران بمحبتك ما يوم انا صاحي بك
انهظم لو شفت غيري من الخلك صاحبك
عندك دكايك شكثر تمرد كليبي مرد
جم عاذل لامني واني العذولي مرد
بس انته العرفتك ياجريم ومرد
لكن الف ياحيف ما تعرف كدر صاحبك

يامنهل الروح روحي لو ترد من هلك
ما جان طول العمر شكوه بدت من هلك
تدري بهلاكي وتناشدني بدهر منهو لك
منهلك غيري وغيرك ماهلكني احد
اهلك رموني بتهم من نار هجرك احد
سلمت امرك وامري وامرهم بايد واحد احد
منك عسى الله ياخذ حوبتي ومن هلك

يامن نسيت الذي بعمره الك خاطرة
بالجذب ماظن على بالك ابد خاطرة
وانه بدموع الهجر كاتب الك خاطرة
صدكني هذا الكلب غيرك ابد ماهو
ضل عالي علو النجم حبك ابد ماهو
بالله اريد اسألك عن السبب ماهو
الشايل منيه الك ليش اكسرت خاطرة...

يــا صــاح جيت اســألك حظــي عجب مــايـلــي
ومـن دون كــل الـــبشـر أعــوج يظــل مــايـلــي
اسمعــنـي يـا صاحبي وأفهـم علــى مـا يلــي
سـاكن معــاي الحــزن مــا يرحــل وأنسى
وخــزن اجراح الــكلب ما شاف ابد ونسى
الناس كلها بفـــرح تضــحك ومتونــــسى
وانـــي يجينـي الفــرح يطـلع صفــح مايلـــي

_________________

[ندعوك للتسجيل في المنتدى أو التعريف بنفسك لمعاينة هذا الرابط]

نــ عسـلهــم

[ندعوك للتسجيل في المنتدى أو التعريف بنفسك لمعاينة هذا الرابط]

[/color][/font]
**********************************************************

تلسلميييييييييييييييييييييييييين حلوة جدا

afro